早排OL興上大陸同拉隊去韓國整容,家香港又大賣人造美女,連CoCo都成日話想整高個鼻、整大個胸,唉!真係勁煩!但唔講未必知,原來香港大學醫科並冇提供整容課程,想讀就一定要去外國。
上年澳洲醫學美容醫生學院(ACCS)開始香港舉辦為期兩年整容文憑課程,課程內容包括化學換膚、隆胸、隆鼻同彩光等技術,只要係醫生,不論普通科、專科定家庭醫生都可以報讀。報讀醫生需要兩年內完成5個workshop,每次費用約8千,會請模特兒畀醫生實習,即係畀4萬就可以完成全個文憑課程,之後再搵整容醫生做師傅,進行2年實習,再提交臨床個案紀錄同論文,考試合格就可以成為認可醫學美容醫生。家咁興整容,醫生咪可以報讀呢個課程,當增值都好!
全站熱搜
留言列表